ન સાધુ ન સંત છું.

બન્ને દશામાં શોભું છુ, ઝુલ્ફો ની જેમ હું;
વીખરાયેલો કદી છું, કદી તંતોતંત છું.
રસ્તે પલાંઠી વાળીને – બેઠો છું હું ‘મરીઝ’;
ને આમ જોઇએ તો ન સાધુ ન સંત છું.

લાજ રાખી છે – કૈલાસ પંડિત

ન આવ્યું આંખમાં આંસું, વ્યથાએ લાજ રાખી છે.
દવાની ગઇ અસર ત્યારે, દુવાએ લાજ રાખી છે.

તરસનું માન જળવાઇ ગયું, તારા વચન લીધે,
સમયસર આભથી વિખરી, ઘટાએ લાજ રાખી છે.

ઘણું સારું થયું આવ્યા નહિ, મિત્રો મને મળવા,
અજાણે મારી હાલતની, ઘણાંએ લાજ રાખી છે.

પડી ‘કૈલાસ’ ના શબ પર, ઊડીને ધૂળ ધરતીની,
કફન ઓઢાડીને મારી, ખુદાએ લાજ રાખી છે.

– કૈલાસ પંડિત

અંધકાર માંગે છે

તમારી આંખડી કાજલ તણો શણગાર માંગે છે
આ કેવી રોશની છે કે જે સદા અંધકાર માંગે છે

બતાવો પ્રેમપૂર્વક જર્જરીત મારી કબર એને
જ્યારે જાલિમ જમાનો જીંદગીનો સાર માંગે છે

છે સામે રૂપ કિંતુ આંખ ઊંચી થઇ નથી શકતી
વિજયની છે સરસ બાજી ને હૈયું હાર માંગે છે

અમરનું મોત ચાહનારા લઇલો હૂંફમાં એને
મરી જાશે એ મરવાને તમારો પ્યાર માંગે છે

મલાઈદાર બાસુદી

મલાઈદાર બાસુદી

સામગ્રીઃ

500 ગ્રામ દૂધ, 2 ચમચી મિલ્ક પાવડર, 3 ચમચી દળેલી ખાંડ, 1 ચમચી એલચી પાવડર, અડધી ચમચી જાયફળ પાવડર, 15 નંગ બદામ, 15 નંગ ચારોળી, 15 નંગ પીસ્તા, 4 થી 5 તાંતણા કેસર.

રીતઃ

સૌ પ્રથમ એક કઢાઈમાં દૂધ ગરમ કરવા મૂકો. થોડું દૂધ અલગ લઈ લો. તેમાં મિલ્ક પાવડર ઓગાળો. ઉપરાંત તેમાં બદામ ચારોળી, પીસ્તા અને કેસર પણ મિક્સ કરો. દૂધ ઉકળે એટલે તેમાં એલચી પાવડર અને જાયફળ પાવડર ઉમેરો. દૂધ બરાબર ઉકળે એટલે તેમાં મિલ્ક પાવડરયુક્ત દૂધ ધીમે ધીમે ઉમેરતા જાઓ. દૂધમાં જામતી મલાઈ તોડીને દૂધમાં જ ઉમેરતા જાઓ. મલાઈદાર બાસુદી ઘટ્ટ બને એટલે એક સર્વિંગ બાઉલમાં લઈ લો. 3 ચમચી દળેલી ખાંડ ઉમેરી મિક્સ કરો. બદામની કતરણ, પીસ્તા, ચારોળીથી સજાવો.