લખનવી વરીયાળી

લખનવી વરીયાળી

 

સામગ્રીઃ

1 ચમચી લખનવી વરીયાળી, 1 ચમચી મગજતરીના બી, 4 ચમચી રંગીન વરીયાળી, 2 ચમચી કેસર સોપારી, 1 ચમચી સિલ્વર જીનતાન, 2 ચમચી લાલ જીનતાન, પા ચમચી ઈજમેટના ફૂલનો પાવડર, પા ચમચી લવલી માસાલો, 1 ચમચી હીરામોતી પાવડર.

રીતઃ

લખનવી વરીયાળી અને મગજતરીના બીને ધીમા તાપે શેકી એક બાઉલમાં કાઢી લો. તેમાં મિક્સ રંગીન વરીયાળી, કેસર સોપારી, લાલ કલરના જીનતાન, સિલ્વર રંગના જીનતાન, ઈજમેટના ફૂલ, હીરામોતી પાવડર અને લવલી મસાલો ઉમેરી બધું મિક્સ કરો, આ મુખવાસ લાંબા સમય માટે સ્ટોર પણ કરી શકાય છે.

 

કોઠાની જીરાગોળી

કોઠાની જીરાગોળી

સામગ્રીઃ

2 ચમચી કોઠાનો પાવડર, 1 ચમચી દળેલી ખાંડ, એકથી દોઢ ચમચી ગોળ, અડધી ચમચી સંચળ પાવડર, અડધી ચમચી લાલ મરચું, ચપટી આખુ જીરુ, 1 ચમચી પાકે કે કાચા કોઠાનો પલ્પ.

રીતઃ

એક બાઉલમાં કોઠાનો પાવડર લો. તેમાં દળેલી ખાંડ, ગોળ, સંચળ પાવડર, લાલ મરચું, આખુ જીરુ અને કોઠાનો પલ્પ ઉમેરી બધું મિક્સ કરો. તેમાંથી નાની નાની જીરાગોળી વાળી લો.

 

લીલી વરીયાળી અને કલકત્તી પાનનો મુખવાસ

લીલી વરીયાળી અને કલકત્તી પાનનો મુખવાસ

સામગ્રીઃ

12 નંગ કલકત્તી પાન, 60 ગ્રામ ખાંડ, ખાંડ ડુબે તે કરતા થોડું વધારે પાણી, 100 ગ્રામ લખનવી વરીયાળી, થોડો ગ્રીન ફુડ કલર, પોણો કપ લીલા ટોપરાનું છીણ, 4 ચમચી બૂરુ ખાંડ, 1 ચમચી ગુલકંદ, અડધી ચમચી એલચી પાવડર, પા ચમચી લવલીનો મસાલો, ચાંદીનો વરખ સજાવટ માટે, ટુટીફ્રુટી સજાવટ માટે.

રીતઃ

એક કઢાઈમાં ખાંડ લો. તેમાં ખાંડ ડુબે તેના કરતા વધુ પાણી ઉમરો. ખાંડ ઓગળે એટલે ગેસ બંધ કરી, લખનવી વરીયાળી તેમાં ઉમેરી થોડો ગ્રીન ફુડ કલર મિક્સ કરી 24 કલાક પલળવા દો.

હવે એક બાઉલમાં લીલા ટોપરાનું છીણ લો. તેમાં બૂરુ ખાંડ અને ગ્રીન કલર ઉમેરી લીલા ટોપરાનું મિશ્રણ તૈયાર કરો.

ત્યારબાદ કલકત્તી પાનની લાંબી કતરણ કરો. એક મોટા બાઉલમાં 24 કલાક પલળીને તૈયાર થયેલી લખનવી વરીયાળી લો. તેમાં ટોપરાનું મિશ્રણ પાનની કતરણ, ગુલકંદ, અલચી પાવડર અને લવલીનો પાવડર ઉમેરી હાથ વડે બરાબર મિક્સ કરો. તૈયાર થયેલો મુખવાસ એક સર્વિંગ ડીશમાં કાઢી, ઉપર ચાંદીનાં વરખથી સજાવો.

 

મસાલા ખારેક

મસાલા ખારેક

 

સામગ્રીઃ

150 ગ્રામ ખારેક, 30 ગ્રામ દાડમનું ચૂર્ણ, 20 ગ્રામ સંચળ પાવડર, 2 ચમચી મરી પાવડર, 20 ગ્રામ આમચૂર પાવડર, ચપટી હિંગ, 30 ગ્રામ શેકેલા જીરાનો પાવડર, 100 ગ્રામ બુરૂ ખાંડ.

રીતઃ

ખારેકમાં ભરવા માટેનું ચૂર્ણ બનાવવા માટે સૌ પ્રથમ એક બાઉલમાં દાડમનું ચૂર્ણ, સંચળ પાવડર, મરી પાવડર, આમચૂર પાવડર, ચપટી હિંગ, જીરા પાવડર અને બૂરુ ખાંડ ઉમેરી બધું જ મિક્સ કરો. હવે લીંબુયુક્ત પાણીમાં 8 થી 10 કલાક પલળીને તૈયાર થયેલી ખારેક લો. તેમાં તૈયાર કરેલું ચૂર્ણ ભરી દો. મસાલા ખારેક તૈયાર.

 

ખજૂરના ઘૂઘરા

ખજૂરના ઘૂઘરા

સામગ્રી :

ખજૂર – ૫૦૦ ગ્રામ, મેંદો – ૫૦૦ ગ્રામ, માવો – ૧૦૦ ગ્રામ, દળેલી ખાંડ – ૧૦૦ ગ્રામ, કોપરાનું છીણ – અડધી વાટકી, ઘી – પ્રમાણસર

રીત:

ખજૂર લૂછી ઠળિયાં કાઢી સાફ કરી તેને મિકસરમાં ક્રશ કરવી. મેંદામાં ઘીનું મોણ નાખી કણક બાંધી ભીના કપડામાં ઢાંકી દો. બીજી બાજુ માવો અને કોપરાનું છીણ ઘીમાં સાંતળીને ખજૂરમાં નાખવો. તેમાં દળેલી ખાંડ ભેળવી પૂરણ તૈયાર કરવું. ત્યાર બાદ કણક મસળીને પૂરી વણવી. તેમાં પૂરણનું મૂઠિયું વાળીને મૂકવું. પૂરી બેવડી વાળી, ધાર દબાવીને કાંગરી પાડી ઘૂઘરા બનાવવા. આ ઘૂઘરાને ઘીમાં તળો.

બ્રાઉન બ્રેડ પુડિંગ

બ્રાઉન બ્રેડ પુડિંગ

સામગ્રી :

બ્રાઉન બ્રેડ – ૮ સ્લાઈસ, પીચ – ૪ નંગ, બ્રાઉન સુગર – પોણો કપ, ઈંડાં – ૩ નંગ, મલાઈવાળું દૂધ – ૧ કપ, ચેરી – અડધો કપ

રીત :

પીચને છોલી ઠળિયો કાઢી તેનાં પતીકાં કરો. અડધા ભાગની બ્રાઉન સુગરમાં એક કપ પાણી ભેળવી તેમાં પીચનાં પતીકાં બાફી લો. ઓવનને ૧૮૦૦સે. તાપમાને ગરમ કરો. બ્રાઉન બ્રેડની સ્લાઈસને સહેજ શેકી તેને ત્રિકોણાકાર કાપો. એક બાઉલમાં ઈંડાંને તોડી તેને સહેજ ફીણો. તેમાં બ્રાઉન સુગર તથા દૂધ ઉમેરીને મિકસ કરો. પીચ એકદમ પોચાં પડે એટલે તેને બ્લેન્ડ કરી લો. બેકિંગ ડિશમાં ટોસ્ટના ત્રિકોણ પીસ ગોઠવો. તેના પર સાફ કરેલી ચેરી અડધા ભાગની ગોઠવો. ઈંડાંના મિશ્રણને પીચની પ્યોરીમાં મિકસ કરો અને તેને બેકિંગ ડિશમાં ગોઠવેલી બ્રેડ પર રેડો. બાકીની ચેરીને ઉપર ગોઠવી અગાઉથી ગરમ કરેલા ઓવનમાં અડધો કલાક બેક થવા દો. ગરમ જ સર્વ કરો.

નોંધ : તમે ઈરછો તો ટિનપેક પીચનો ઉપયોગ કરી શકો છો.

 

 

એપલ કેક

એપલ કેક

સામગ્રી :

મેંદો – ૧ કપ, રવો – પા કપ, દૂધ – ૧ કપ, દૂધનો પાઉડર – અડધો કપ, બેકિંગ પાઉડર – ૧ ચમચી, ખાવાનો સોડા – અડધી ચમચી, નારંગીની છાલનો પાઉડર – અડધી ચમચી, મલાઈ – અડધો કપ, બૂરું ખાંડ – પોણો કપ, સફરજનના નાના ટુકડા – ૧ કપ, લીંબુનો રસ – ૧ ચમચો, ખાંડ – ૧ ચમચો

રીત :

કેક બનાવવા માટે પહેલાં ઉપર જણાવેલી બધી સામગ્રી ભેગી કરી ખૂબ ફીણો. કેક બનાવવા માટેના મોલ્ડમાં માખણ લગાવો. સફરજનના ટુકડામાં બૂરું ખાંડ અને લીંબુનો રસ મિકસ કરો. હવે આ ટુકડાને માખણવાળા ટિનના તળિયે પાથરો. ઓવનને અગાઉથી પંદર ડિગ્રી સેલ્સિયસ પર ગરમ કરી રાખો. તેમાં આ કેકનું મોલ્ડ મૂકી વીસ-પચીસ મિનિટ રહેવા દો. કેક તૈયાર થઈ જાય એટલે અંદર ચપ્પુ ખોસી જોઈ લો કે મિશ્રણ ચપ્પુ પર ચોંટતું નથી ને. ચોંટતું હોય તો થોડી વાર રહેવા દો. પછી કેકને ઓવનમાંથી બહાર કાઢી પછી એક પ્લેટમાં ઊંધી પાડીને કાઢો. ટેસ્ટી એપલ કેકનો સ્વાદ માણો.

 

પૌંઆની ટીકીયા

પૌંઆની ટીકીયા

સામગ્રી :

પૌંઆ, મીઠું, લીલા મરચાં, કોથમરી, લીંબુ, ખાંડ, ગરમ મસાલો.

રીત :

પૌંઆને કાણાવાળા વાડકામાં પલાળી બધો મસાલો કરી મિક્સ કરી દો. હવે તેમાથી ટીકીયા વાળી ગરમ તેલમાં ગુલાબી રંગની તળો અથવા લોઢી પર તેલ મૂકી બંને બાજુ સાંતળવી. ગ્રીન ચટણી કે ટમેટાની ચટણી સાથે પીરસો.

 

મેકિસકન રાઇસ સલાડ

મેકિસકન રાઇસ સલાડ

gruhinjસામગ્રી :

ભાત – ૧૦૦ ગ્રામ, રેડ કેપ્સિકમ (બારીક સમારેલું) -૧ નંગ, યલો કેપ્સિકમ (બારીક સમારેલું) – ૧ નંગ, ગ્રીન કેપ્સિકમ (બારીક સમારેલું) – ૧ નંગ, ડુંગળી (બારીક સમારેલી) – ૨ નંગ, વિનેગર – ૧ ચમચો, લીંબુનો રસ – અડધી ચમચી, મરીનો પાઉડર – પા ચમચી, સમારેલી કોથમીર – ૧ ઝૂડી, લીલાં મરચાં – ૨ નંગ, મીઠું – સ્વાદ મુજબ

રીત:

એક બાઉલમાં ઠંડા ભાત લો. ડ્રેસિંગ માટે જુદા બાઉલમાં વિનેગર, લીંબુનો રસ, મરીનો પાઉડર, મીઠું, લીલાં મરચાં અને થોડી કોથમીર ભેળવો. શાક અને ડુંગળીને જુદા જુદા વાસણમાં થોડા ડ્રેસિંગમાં પાંચ મિનિટ માટે મેરિનેટ કરો. હવે ભાતમાં મેરિનેટ કરેલાં શાક અને બાકીનું ડ્રેસિંગ ભેળવો. હળવા હાથે બધું મિકસ કરો. સર્વિંગ પ્લેટમાં કાઢી સમારેલી કોથમીરથી સજાવી ચિલ્ડ કરી મેકિસકન રાઇસ સલાડ સર્વ કરો.